મુંબઈ, તા. 16 (પીટીઆઈ) : મહારાષ્ટ્રના સહુથી 45 ફૂટ ઊંચા ગણપતિ દક્ષિણ મુંબઈમાં ખેતવાડીની 11મી ગલીમાં આ વખતે બિરાજવાના છે. આ ગલીમાં ગણેશોત્સવની શરૂઆત વર્ષ 1962માં થઈ હતી. ખેતવાડીના ગણપતિ `મુંબઈચા મહારાજા' તરીકે પણ ઓળખાય છે. આ ગણપતિ મંડળના પ્રમુખ હેમંત દીક્ષિત જણાવે છે કે, આ ગણપતિની આ વખતની મૂર્તિનો ઈન્દ્ર ભગવાન જેવો દેખાવ છે. તેમના એક હાથમાં વ્રજનું શસ્ર છે. અગાઉ ગણપતિની મૂર્તિનું કદ 25 ફૂટ હતું. ત્યારથી અમે તબક્કાવાર તે વધારવાની શરૂઆત કરી છે. આ વખતે અમે મહારાષ્ટ્રમાં સહુથી ઊંચી 45 ફૂટની મૂર્તિ લાવી રહ્યા છીએ. અમારે ત્યાં દર વર્ષ ગણપતિની મૂર્તિના દર્શન માટે લગભગ 20થી 22 લાખ ભક્તો ઊમટે છે. અમે ગણેશોત્સવની તૈયારી છ મહિના પહેલાંથી જ શરૂ કરીએ છીએ, એમ દીક્ષિતે ઉમેર્યું હતું
