પર્રિકરે યુવતીઓમાં નશીલા પદાર્થોના ઉપયોગ અંગે ચિંતા વ્યક્ત કરી

પર્રિકરે યુવતીઓમાં નશીલા પદાર્થોના ઉપયોગ અંગે ચિંતા વ્યક્ત કરી
પણજી, તા. 10 : યુવતીઓએ બિયરનું સેવન શરૂ કરતા ગોવાના મુખ્યમંત્રી મનોહર પર્રીકરે ચિંતાવ્યક્ત કરી છે. પર્રીકર રાજ્ય વિધાનમંડળ વિભાગ દ્વારા આયોજીત રાજ્ય યુવા સંસદને સંબોધીત કરી રહ્યા હતા. આ સંબોધનમાં તેઓએ નશાયુક્ત પદાર્થોની વાત કરી હતી. આ દરમિયાન તેમણે કહ્યું હતું કે, હવે તો યુવતીઓ પણ બિયરનું સેવન કરી રહી  હોવાથી સહનશક્તિ ખુટી રહી છે. વધુમાં તેમણે પોતાના કોલેજકાળનો ઉલ્લેખ કરતા કહ્યું હતું કે, તેઓ આઈઆઈટીમાં હતા ત્યારે એક સમૂહ ગાંજાનું વ્યસન કરતો હતો. જ્યારે બીજા એક સમૂહ ઉપર અશ્લીલ ફિલ્મોનું ઝનુન સવાર હતું. આ સાથે તેમણે રાજ્યમાં નશાયુક્ત પદાર્થોના વેપાર મામલે કહ્યું હતું કે, રાજ્યમાં આરોપીની સતત ધરપકડ  થઈ રહી છે. જો કે વ્યક્તિગત રીતે પર્રીકરે વિશ્વાસ વ્યક્ત કર્યો હતો કે, કોલેજમાં નશીલા પદાર્થોનો ફેલાવો ચિંતાજનક રીતે વધી રહ્યો નથી.  

© 2018 Saurashtra Trust

Developed & Maintain by Webpioneer